O establecemento franquiciado, do grupo GADISA, ten unha sala de vendas de 400 m2, o que favorece poñer ao alcance dos clientes unha ampla variedade de 4.000 produtos. Salientar a súa carnicería tradicional, moi popular pola súa calidade dende hai anos en Quiroga e tamén outras seccións de produto fresco, como froitería, panadería e charcutería ao corte.
“Un dos valores deste modelo é impulsar a dinamización socioeconómica da contorna e crear comunidade a través do emprego”, sinalan dende o grupo de distribución alimentario tras dar a coñecer que o novo Claudio fai posibles 5 postos de traballo.
ATENCIÓN AO CLIENTE E FOTO DE FAMILIA
A proximidade aos clientes é outra das fortalezas desta liña de negocio, que promove unha atención personalizada e maior comodidade a través dun horario de apertura adaptado ás súas necesidades. O novo Claudio abre de luns a sábado, de 9.30 a 14 horas, e de 16.30 a 20.30 horas.
Para presentar oficialmente a nova apertura, achegáronse a Quiroga os representantes de GADISA Retail, Gonzalo Corredoira, delegado na provincia de Lugo, e José Carlos Ares; o director de vendas de franquía, Miguel Freire; o coordinador, Sergio Trujillo; e o supervisor de franquía do establecemento, Raúl Vázquez. Xunto a eles estiveron aos propietarios do Claudio, Ana Sánchez e Jorge Folla; e o seu equipo de traballo.
EXPANSIÓN EN 2025
GADISA Retail incorporou 19 puntos de venda á súa franquía en 2025. Co Claudio de Quiroga suma 253 establecementos, dos que 113 son Claudio e 140 Claudio Express. Están implantados en Galicia, Castela e León, Asturias e Madrid.
Actualmente está posicionada como referente no sector da alimentación en Galicia, cunha expansión constante nos últimos anos. O seu desenvolvemento está baseado no valor estratéxico de integrarse na compañía galega líder de distribución operando baixo un modelo contrastado e apoiado por un equipo profesional con ampla experiencia.
