HomeCultura‘Las Vegas’, en San Clodio, comeza o 13 de xullo as actuacións...

‘Las Vegas’, en San Clodio, comeza o 13 de xullo as actuacións en directo

O local vén de presentar xa a programación para xullo e en breve anunciará tamén a de agosto. As actuacións encáixanse nas fins de semana sendo este sábado 13 de xullo a que “abre o telón da Pista” cun concerto a cargo do dúo pontevedrés La Mosca Valiente desde as 23:00h.

Publicado o

POR
Redacción
- Advertisement -

Este Hotel-Restaurante de San Clodio, en Ribas de Sil, prepara un interesante cartel de concertos para os meses de xullo e agosto. O pasado 2023 a xerencia puxo en valor a espectacular terraza, tras moitos anos de inactividade, e preparou, con gran éxito de público, unha variada programación musical para as fins de semana dos meses de verán.

Con esta aposta pola música en vivo, Las Vegas conseguiu ser un punto de encontro da comarca grazas ao atractivo da súa terraza, un espazo coñecido de antigo como ‘A Pista’, e grazas á calidade de propostas musicais que pasaron por alí.

La Mosca Valiente, formación que actuará o día 13, leva ao límite o formato acústico facendo vibrar ao público e sorprendéndoo coa súa proposta enriba do escenario. Estamos a falar de dous curtidos músicos, Marcos e Rodrigo, que volven a San Clodio para reencontrarse con fans e sorprender a novo público co seu repertorio ecléctico no que abranguen cancións de onte, hoxe e sempre. Referíndose á súa proposta musical enriba do escenario, din: “Chamámolo ‘wrestling music’ porque nun concerto podemos chegar a tocar temas de 8 ou 9 estilos diferentes”. 

Para o vindeiro 20 de xullo actuará o grupo de Jazz Fusion ‘Medianoche MME 3ª Dimensión’ e rematando o mes, o dúo ourensán de versións Soul & Roll, con Miguel Araújo á guitarra, e a televisiva Tamara Pérez á voz.

Grupo jazz Medianoche

ÚLTIMAS

Pantón acolle a primeira proba do Campionato de España de Enduro este 15 e 16 de marzo

No acto de presentación deste mércores estaban presentes na presentación do acto, Javier Quintas...

150 participantes na 2ª proba do Campionato Galego de Voleibol Benxamín e Prebenxamín que se celebra este 15 de marzo no Pavillón da Pinguela

A Tenente de Alcalde, Gloria Prada, acompañada polo Director Deportivo da Federación Galega de...

‘As Alumnas’, obra de teatro para conmemorar o 8M en Monforte

Dentro da programación da Rede Galega de Teatros e Auditorios, e enmarcada na programación...

‘O Circo de Pinocho’ chega a Monforte

Monforte de Lemos acollerá esta fin de semana un espectáculo familiar que contará a...