O proxecto pretende poñer en valor este elemento construtivo, contiguo ao muro de peche do edificio principal do Pazo no seu lado este. A estrutura conservada, cunha altura de 6,20 metros que correspondería a un primeiro piso da Torre, está rechea de terra e sorpota o peso dunha das galerías do Pazo.

As filtracións de auga e a presenza de vexetación xenerou abombamentos e o inicio de fendas, que se frearon cunha actuación provisonal en 2024, e que se reporán completamente con esta nova intervención, que se está realizando cos correspondentes controis arqueolóxicos.

Os traballos comezaron a pasada semana e continuarán durante os vindeiros días, cun planeamento que contempla a excavación por capas do recheo, a restauracion dos paramentos, a impermeabilización da superficie e a creación dun acabado para o solado da Torre.

A deputada de Cultura, Iria Castro, explicou que “se trata dunha actuación en profundidade, para consolidar e poñer en valor os restos da fortaleza sobre a que se construiu o Pazo de Tor e que nos remiten ao século XIV” e sinalou que “os traballos que se están realizando permitirán coñecer mellor as características construtivas deste elemento arquitectónico que non recibiu unha atención acorde coa súa relevancia histórica”

O proxecto súmase a outras intervencións de conservación e mellora que se realizaron no Pazo de Tor, como a restauración doutros tramos do muro de peche, que separa o horto do xardín, a renovación do portón de madeira que comunica estes dous terreos, e a restauración do frontón do Pazo,