Este sábado día 10 de novembro celébrase na parroquia de Louseiro (Sarria) a 8ª edición do festival “San Martiño Caníbal”. Está organizado pola Asociación Cultural “Os Gorriós de Louseiro” cos que colabora o concello de Sarria. Para coñecer un pouco máis do festival e a asociación veciñal falamos con Manuel López, presidente da asociación.

O nome elixiuse na honra ao patrón da parroquia San Martiño e polo nome do pobo “San Martiño de Louseiro” aínda que é máis coñecido como Louseiro.

Queriamos recuperar a festa do patrón da parroquia, que se celebraba antigamente, pero que levaba varios anos sen realizarse. Por iso sempre se busca unha data próxima ao 11 de novembro que é o día de San Martiño.

Sempre hai actuacións de música de grupos folk, de grupos máis rock- heavy ou rock-punk e tamén charangas. Este ano todas as actuacións da festa son de grupos ou artistas locais, como Louband, Zume de Miolo, gaiteiros de Goián e Gorriós gaiteiros, exceptuando ao clown Rudi Rudi.

Si, este é o segundo ano que temos actuacións para os nenos, neste caso é o clown Rudi Rudi. É unha iniciativa que se tomou hai un par de anos para que os máis pequenos tamén teñan a súa parte de protagonismo nesta festa.

O festival finánciase coa axuda do Concello de Sarria e con fondos da propia asociación. Non se cobra entrada por asistir ao festival, pero si polo xantar popular, que custa 20€. Aínda se poden adquirir as entradas para o xantar popular poñéndose en contacto con calquera membro da xunta directiva da asociación ou no local Moncho Moda.

A parte desta festa, un entroido que ten moita tradición, magostos, obras teatrais, comidas, campionatos de cartas, etc.

O San Martiño Canibal xa é un evento afianzado na comarca sarriá e que cada edición congrega a máis seguidores.