InicioComarca de SarriaLáncaraA CHMS e o Concello de Láncara acordan as obras para substituír...

A CHMS e o Concello de Láncara acordan as obras para substituír a ponte sobre o río Sarria e aumentar a súa capacidade

O protocolo ten por obxecto establecer o marco para unha futura colaboración entre ambas as partes para o financiamento e execución das actuacións.

Publicado o

- Advertisement -

O presidente da Confederación Hidrográfica Miño-Sil, José Antonio Quiroga, e o alcalde de Láncara, Antonio Piñeiro, asinaron este venres o protocolo que posibilitará as obras de substitución da ponte sobre o río Sarria no núcleo de Supena, co obxectivo de aumentar a súa capacidade de desaugadoiro.

O protocolo ten por obxecto establecer o marco para unha futura colaboración entre ambas as partes para o financiamento e execución das actuacións, que suporán un investimento estimado de 750.000 euros, coas que se mellorará o tránsito e a comunicación de máis de 200 veciños da zona.

“As obras consistirán na demolición completa da estrutura existente e na construción dunha nova ponte, cumprindo todos os requisitos establecidos no Plan Hidrolóxico vixente, cunha maior sección e anchura e, por tanto, maior capacidade de desaugadoiro”, explicou o presidente, “actuacións que poderían comezar no segundo semestre do ano”, engadiu.

A Confederación Hidrográfica do Miño-Sil farase cargo da licitación, adxudicación e xestión dos contratos de obra e servizos, ata a finalización das actuacións. Pola súa banda, o Concello de Láncara porá a disposición os terreos e as infraestruturas necesarias para a execución das obras.

ÚLTIMAS

A Agrupación Empresarial da Ribeira Sacra vai collendo corpo, non hai marcha atrás

A Agrupación de Empresas da Ribeira Sacra vén de celebrar a primera reunión do...

“Foto Nuevo. Unha ollada cara ao pasado”, inaugúrase este venres ás 19:00h na casa da cultura de Monforte

Este venres, 23 de febreiro, ás 7 da tarde, José Tomé Roca, inaugura na...

Pablo Álvarez, con raíces en Sober, está na Antártida co Exército de Terra

Pablo Álvarez, que actualmente reside en Zaragoza por motivos laborais, estivo toda a súa...

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...