O Concello do Incio reforza a prestación de servizos municipais aos veciños do municipio coa contratación de 5 traballadores:

• Eugenio, 29 anos, levaba parado desde decembro e en xuño comezou a traballar no Incio en labores de desbroce, limpeza, acondicionamento de vías,…
• Carlos, 37 anos, traballaba nunha panadería de Lugo cos correspondentes desprazamentos diarios, levaba parado un mes e agora, no Incio onde reside, ocúpase da recollida de lixo co camión.
• Agustín, 29 anos, case un ano parado e agora é peón de obras públicas.
• Sergio, economista 48 anos, traballaba nunha asesoría en Monforte, estivo máis dun ano parado e hoxe realiza labores de desbroce no Incio.
• Jose, 32 anos, levaba parado oito meses ata que foi un dos seleccionados polo programa Depuemprego e na actualidade no Incio encárgase do desbroce e da recollida de lixo como peón de obras públicas.

O Deputado de Relacións Institucionais da Deputación, Álvaro Santos Ramos, e a Alcaldesa do Incio, Laura Celeiro García, mantiveron un encontro con estes profesionais para coñecer cal é o seu traballo e se están satifeitos na nova situación.

Segundo Santos Ramos púxose en  marcha esta programación desde a Deputación, conscientes das limitacións que teñen os municipios para contratar. Deste xeito mellórase a taxa de reposición dos traballadores públicos e mellóranse os servizos ofrecidos aos veciños.