O Pleno da Deputación de Lugo, cos apoios do PSOE e BNG, acordaron rehabilitar o emblemático edificio conservando -presumiblemente neste mesmo ano- , na medida do posible, as estrutura e construcións actuais da Casona e o seu uso establecerase de mutuo acordo entre o organismo provincial e o Concello do Incio.

Deste xeito garántese a conservación dun edificio histórico que no seu día fora adquirido pola Deputación co obxectivo de poñelo ao servizo dos veciños unha vez restaurado. Para levar a cabo a renovación da construción, a Deputación promoverá un novo convenio de colaboración co Concello no que se decidirá o seu uso unha vez finalizada a obra e para o que se redactará o proxecto coas súas especificacións concretas. No convenio tamén se determinará o marco económico-financieiro e temporal para a execución ademais dos trámites necesarios para que a propiedade do ben resida no Concello do Incio.

Cabe destacar que esta rehabilitación foi aprobada pola Deputación nunha moción logo de que o presidente de SUPLUSA, Manuel Martínez, anunciara a súa intención de derrubar o edificio para posteriormente construír outro no mesmo lugar con características semellantes.