HomesociedadePrisión provisional para un home que rompeu o nariz á súa parella...

Prisión provisional para un home que rompeu o nariz á súa parella e deixou na UCI ao dono dun bar en Samos

Está a ser investigado por intento de homicidio con respecto á muller e polas lesións causadas ao hostaleiro, a súa parella e outro cliente.

Publicado o

- Advertisement -

O Xulgado de Sarria decretou o ingreso en prisión provisional comunicada e sen fianza dun veciño do municipio por agredir presuntamente na madrugada do domingo á súa compañeira sentimental nunha cantina da parroquia de Frollais (Samos) e ao dono do local que mediou e atópase ingresado na Unidade de Coidados Intensivos (UCI).

O presunto agresor está a ser investigado por un delito de intento de homicidio contra a súa parella e de lesións con respecto ao hostaleiro e a muller, de acordo ao informado o Tribunal Superior de Xustiza de Galicia (TSXG). Os feitos tiveron lugar nun bar da parroquia de Frollais, pertencente ao municipio de Samos na madrugada do pasado domingo, tras desatarse unha discusión entre o detido e a súa compañeira sentimental.

Segundo confirmaron a Europa Press fontes da Garda Civil, que se persoou no local, a presunta agresión provocou á muller a “fractura do tabique nasal”; ao propietario da cantina “feridas moi graves” que motivaron o seu traslado ao Hospital Universitario Lucus Augusti de Lugo; e a unha terceira persoa que intercedeu na disputa unha “fractura de nocello”.

Tras ser posto a disposición xudicial, o detido, veciño da localidade de Sarria, ingresou de forma provisional en prisión á espera de ser xulgado. O prognóstico do rexente da cantina, que actuou presuntamente en defensa da muller agredida e que continúa ingresado na Unidade de Coidados Intensivos, é grave.

ÚLTIMAS

150 nenas/os de Chantada fórmanse na prevención do acoso escolar

O encontro estivo guiado por Héctor Méndez, Garda Civil e psicólogo, formador do Plan...

O PP critica que PSOE e BNG votaran en contra da construción da residencia de Folgoso do Courel

Os deputados populares sinalan que “os veciños de Folgoso do Courel puideron ver o...

En menos dun mes a Dirección Xeral de Patrimonio Cultural informa as obras no Parador de Monforte

A Dirección Xeral de Patrimonio Cultural tamén contestou a consulta previa sobre a reforma...

Sarria, un dos 28 concellos que acollerá a VIII Feira de Turismo do Eixo Atlántico, Expocidades

Expocidades, unha iniciativa promovida polo Eixo Atlántico que fomenta o turismo de proximidade e...