HomeEconomíaClausura do obradoiro de emprego de Sarria

Clausura do obradoiro de emprego de Sarria

Sarria aproveitou esta iniciativa para desenvolver traballos de interese social relacionados coa rehabilitación de zonas urbanas e a formación turística. Ademais, catro profesionais do concello foron contratados para levar a cabo a instrución laboral.

Publicado o

- Advertisement -

O 24 de xullo deuse por rematado o obradoiro de emprego celebrado nos últimos 9 meses en Sarria e que deu formación tanto teórica como práctica a 20 alumnos. As especialidades impartidas foron pavimentación, albanelaría, urbanización, promoción turística local e información ó visitante.

Con esta iniciativa, Sarria puido desenvolver diversas iniciativas de interese social como é a rehabilitación do contorno urbano da praza da vila e o proxecto de formación turística vencellado á Casa do Marqués de Sarria.

Por outra banda, coa iniciativa promovida pola Consellería de Economía, Emprego e Industria, 4 profesionais do concello foron contratados para levar a cabo o obradoiro.

Balseiro no acto de clausura do obradoiro de emprego/Xunta de Galicia

José Manuel Balseiro, delegado territorial da Xunta de Galicia, explicou, no acto de clausura, que Sarria foi un dos concellos beneficiarios por unhas das novidades que presentou a última convocatoria de obradoiros de emprego, en concreto, a ampliación da duración dos mesmos a 9 meses.

Balseiro rematou a súa intervención felicitando ós alumnos desta edición e engadiu que a Xunta destina preto de 30 millóns de euros na convocatoria de emprego deste ano, un 50% máis que na anterior. O obxectivo é favorecer a empregabilidade de 2000 desempregados galegos, tendo prioridade  os obradoiros vinculados ó eido forestal e ó Camiño de Santiago.

ÚLTIMAS

O 27 de outubro abre a nova Piscina da Pinguela en Monforte de Lemos

Esta tarde, ás 19:00 h. tivo lugar a presentación oficial das novas instalacións da...

Sober retoma polo San Martiño as Festas do Carme, suspendidas polo incendio

O Concello de Sober retomará polo San Martiño, patrón das parroquias á que pertence...

Iago Suárez: “A Xunta utiliza a Ribeira Sacra como atrezzo, pero ignora a xente que vive nela”

O deputado do BNG, Iago Suárez, reclamou esta semana na Comisión de Cultura do...

O PP pide á Deputación que arranxe a LU-P-4112 en Pantón

Os deputados populares condenan “o mal estado” desta vía de titularidade provincial “o que...