HomeComarca de SarriaSarriaSarria queda sen xantar da 'Festa do cocido de porco celta'

Sarria queda sen xantar da ‘Festa do cocido de porco celta’

O Concello de Sarria vén de anunciar que queda cancelado este evento por mor da incidencia da Covid19. A XIV edición da exaltación deste produto autóctono cambia de formato e realizarase nos establecementos de hostelería da Comarca de Sarria durante a fin de semana do sábado 26 e domingo 27 de febreiro.

Publicado o

POR
Redacción
- Advertisement -

A COVID-19 segue provocando importantes cancelacións, a maioría delas relacionadas con eventos que congregan xente en espazos pechados. Este é o caso do tradicional xantar da Festa do Cocido do Porco Celta de Sarria.

Segundo vén de informar o Concello de Sarria, e moito ao seu pesar, queda cancelada esta xuntanza gastronómica. Daquela, a que será XIV edición da exaltación deste produto autóctono cambia de formato e realizarase nos establecementos de hostelería da Comarca de Sarria durante a fin de semana do sábado 26 e domingo 27 de febreiro.

Así, pois, todos aqueles establecementos que desexen participar ofrencendo o menú do cocido ou realizando tapas de productos de porco celta, poden asistir a unha reunión que terá lugar este martes día 8 de febreiro ás 17:30 h. no salón de plenos da Casa do Concello.

Para máis información poden poñerse en contacto co Concello de Sarria nos teléfonos: 982 53 50 00 e 982 53 06 68, ou no correo turismo@sarria.gal antes do 10 de febreiro.

ÚLTIMAS

A AV de Vilaesteva no Saviñao, alerta da construción dunha central de biogás

A asociación asegura ser coñecedora desta situación por casualidade e trasladoulle as súas preocupacións...

IGV diríxese ao Ministro de Transportes denunciando o estado das estradas de titularidade estatal no interior galego

Interior Galego Vivo asegura que o estado actual da N-540 entre Lugo e Ourense...

Corais para dinamizar o Courel e axudar a reconstruír o ‘Museo Xan de Vilar’

Úrsula Rial é unha rapaza orixinaria de Nigrán que chegou ao Courel no 2022,...

Na madrugada do 3 de abril cortarase o subministro de auga ao núcleo de Monforte

Dende o Concello de Monforte informan da interrupción do suministro de auga durante este...