HomeDeportesSarria, protagonista da derradeira etapa do 'Gran Camiño'

Sarria, protagonista da derradeira etapa do ‘Gran Camiño’

Será mañá, domingo 27 de febreiro, cunha contrareloxo individual de 15,80 quilómetros. 'O Gran Camiño' é a renovada volta ciclista a Galicia, na que participan douscentos corredores e dezasete equipos.

Publicado o

POR
Redacción
- Advertisement -

Sarria será o centro de atención este domindo 27 de febreiro ao acoller o final da competición ciclista ‘O Gran Camiño’ cunha proba contrareloxo individual de 15,80 quilómetros con saída na Rúa da Liberdade (Calvo Sotelo) e chegada á Rúa do Castelo. O comezo da mesma está programado para as 11:40 horas.

“Este gran evento traerá ao Concello de Sarria unha importante infraestrutura que nos fixo reprogramar outras actividades como o desfile de Entroido de 2022 –tívose que pasar ao 6 de marzo--” indican fontes do consistorio. Así mesmo, esta competición provocará que por algunhas das rúas desta vila non se poida circular nin aparcar durante boa parte do domingo.

Ante esta situación, dende o concello piden paciencia e planificación para os desprazamentos na mañá do domingo 27. Neste senso, solicitan seguir as indicacións das forzas e corpos de seguridade e trasnmiten a seguinte información, moi importante no que a restriccións de mobilidade significa:

-Cortarase a circulación a partir das 11:30 h. da mañá.

-No percorrido dos participantes, non poderá circular ningún vehículo fóra dos propios vehículos da carreira.

-A rúa da Liberdade (Calvo Sotelo), desde o cruzamento con rúa Xela Arias, ata a intersección con Matías López, estará reservada para o aparcamento de equipos.

-A rúa Matías López, desde o cruzamento con rúa Xela Arias, ata a intersección con rúa da Liberdade (Calvo Sotelo), estará reservada para equipos e organización.

-A rampla de saída estará situada na intersección en Catro Camiños.

-A rúa Matías López, entre a intersección con Rúa da Liberdade (Calvo Sotelo) e a rotonda con Diego Pazos, estará reservada para os corpos de seguridade.

Croquis informativo das restriccións de mobilidade

Dende fontes do Concello de Sarria indican finalmente que o desenvolvemento da proba ciclista causará molestias importantes pero “merecerá a pena, pois gozaremos dun gran espectáculo que será televisado para máis de 200 países, por Eurosport, TVG1 e TVG2”.

ÚLTIMAS

Cuarta xornada de folga nas residencias privadas de maiores e centros de día

Como nas xornadas anteriores, desde a CIG informan que a folga estivo marcada polos...

Convenio de colaboración entre o Xeoparque Montañas do Courel e o Colexio Oficial de Biólogos de Galicia

O Xeoparque Mundial da UNESCO Montañas do Courel e o Colexio Oficial de Biólogos...

Concerto de acordeón no ciclo ‘Primavera Musical’ en Sober

Os amigos e amigas da música instrumental teñen o vindeiro 25 de maio unha...

O concello de Monforte requerirá a Aqualia para dar solucións integrais aos problemas de Escultor Francisco Moure e Reboredo

O contrato do concello de Monforte con Aqualia naceu no 2001, "xa dende o...