O Concello de Sarria pechou as celebracións de Entroido este pasado domingo 6 de marzo, e fíxoo máis tarde do habitual por ter que adiar a data deixándolle oco á última etapa da volta ciclista a Galicia, ‘O Gran Camiño’ o pasado domingo de entroido..
A serpe entroideira fíxose esperar un pouco e as rúas que formaban parte do percorrido enchéronse de xente para asistir a un bo espectáculo, cunhas 20 propostas moi orixinais e divertidas como foron, por exemplo, as locais que lembraron a Elvis e ás Tanxugueiras.
“Los revoltosos con Elvis” / XdL
“Sete ferreñas” / XdL
Tamén se achegaron ata Sarria outras comparsas e carrozas que esgotaban nesta vila o seu periplo por outros desfiles como, por exemplo, ‘Non hai fronteiras no espazo’ e ‘A chegada da Raíña Isabel a Sarria’ –gran triunfadora deste ano, con premios en todos os desfiles aos que se presentou–.
O final do percorrido foi na Praza da Vila e o xurado deu o seu veredicto. Un xurado formado por membros de asociacións locais: Peleiriños, Meigas e Trasgos, Sarricanta e ACES.
PREMIOS 2022
Adultos carrozas
1º Premio, dotado con 600 €, para “Los revoltosos con Elvis”.
2º e 3º Premio quedaron desertos.
Adultos comparsa
1º Premio, dotado con 350 €, para “Xeración Drag´ón Ball”.
2º Premio, dotado con 320 €, para “Los payasos de la resistencia”.
3º Premio, deserto.
Infantil Carroza, premios desertos.
Infantil comparsa de centros de ensino ou asociacións de Sarria
1º Premio, de 450 €, para “Adiante a Pascua”.
Resto de premios desertos.
Infantil comparsa
1º Premio, dotado con 260 €, “Sete ferreñas”.
2º Premio deserto.
De fóra da comarca
1º Premio carroza, con 350 €, para “Non hai fronteiras no espazo”.
1º Premio comparsa, con 220 €, para “A chegada da Raíña de Inglaterra a Sarria”.
Mellor disfraz en parella adultos: Dotado con 100 €, para “As cuñadas de ouro”.
Mellor disfraz trío adultos: Dotado con 150 €, para “As ninfas da Chaira lucense”.
Mellor disfraz individual adultos: Dotado con 60 €, “La bruja a que te pincho”.
Mellor disfraz en trío menores: dotado con 150 €, para “As damiñas enfloradas e o seu Mouchiño”.
Mellor disfraz en parella menores: Dotado con 100 €, para “La tortuga”.
Mellor disfraz individual menores: Con 60 €, para “Armadillo”.
Accésit Premio ao participante máis animado: Con 60 €, para “El pirata”.
Outros disfraces orixinais non premiados
FOTOS / XdL
