O delegado territorial da Xunta en Lugo, Javier Arias, o director xeral de Maiores e Persoas con Discapacidade, Fernando González Abeijón, o xefe territorial de Política Social en Lugo, Javier Vázquez Nodal, e o director do CAPD, Luis Pardo, visitaron este martes 29 de marzo as instalacións afectadas polas obras para comprobar as reformas realizadas.

As melloras, ademais das cubertas devanditas, incluiron tamén o acondicionamento da explanada de acceso, cun orzamento de 42.200 euros.

Os responsables autonómicos explicaron que nos últimos meses tamén se destinaron 20.800 euros a obras menores e adquisición de equipamento, entre elas a impermeabilización da terraza, a instalación de portas automáticas no acceso ao centro para poder illar dous espazos diferenciados a causa da Covid-19, a colocación de seis bancos no xardín, e a adquisición dun autoclave, unha termoselladora e diverso mobiliario.