EFE.- O sindicato Unións Agrarias (UU. AA) sostén que a praga de ratas-toupa detectada en oito municipios da provincia de Lugo xa afecta nestes momentos a unhas 3.000 hectáreas de terreo. Nalgúns casos, din, o seu efecto provoca unha diminución do 50% na produción de forraxes.

O responsable de Unións Agrarias na Montaña de Lugo, Iván Raposo, afirma que a superficie afectada é moi superior ás estimacións da Xunta. A Consellería Rural trasladara que a praga prexudicaba unhas 3.000 parcelas de 300 explotacions agropecuarias, e contabilizaba máis de 1.600 hectáreas contabilizadas pola Xunta de Galicia. 

Así e todo, dende Unións Agrarias coidan que eses cálculos quedan curtos, dado que moitos propietarios, algúns xubilados ou que non se dedican á actividade agraria, non realizaron a correspondente declaración de danos. 

PROLIFERAN CO BO TEMPO

Raposo precisou que “agora co bo tempo volven verse” polos prados e cultivos: aumenta a actividade das colonias e “hai moitos danos”. Precisou que a zona máis afectada correspóndese con dúas parroquias do municipio de Pedrafita do Cebreiro e de Triacastela, onde a diminución de produción alcanza o 50% nalgunhas parcelas.