HomeCulturaInteresantes propostas musicais en Sober e Pantón

Interesantes propostas musicais en Sober e Pantón

Sober acolle hoxe sábado o fin de curso da Escola Municipal de Música de Sober, e o domingo un concerto de Psaiko Quartet. En Ferreira de Pantón, concerto o domingo do trío de corda Concertino no Convento das Bernardas.

Publicado o

- Advertisement -

Hoxe, sábado 15 de xuño, celébrase o Concerto de Fin de Curso da Escola Municipal de Música no Centro Sociocultural a partir das cinco da tarde. Participan no mesmo a Banda de Música de Sober a tamén a Escola Municipal de Teatro e o Coro Berea.

Sen saír de Sober, para mañá domingo está programado outro concerto, neste caso a cargo das Xuventudes Musicais de Sober, co que tamén colabora o concello, que trae á localidade ao cuarteto de saxofóns Psaiko Quartet. A actuación será ás 19:30 horas no Centro Sociocultural no marco da programación da Primavera Musical de Sober.

O cuarteto está formado polos artistas Martín Castro Tubío – Saxofón soprano-, Borja Beneyto García – Saxofón alto-, Juan Alonso Moreda – Saxofón tenor- e Franco Emanuel Sánchez – Saxofón barítono-.

No ano 2017 obtiveron o primeiro premio no 88º Concurso Permanente “Juventudes Musicales de España” e o primeiro premio no Certame de Grupos de Cámara ArtJove. Dentro do seu repertorio, presentan desde música conservadora á máis innovadora e atrevida.

Este mesmo domingo 16 de xuño, ás 19:00 h. temos outra alternativa para os amantes da música clásica dentro da VIII Edición de Sinfonía no Mosteiro do ciclo Rota do Románico de Pantón. Trátase do concerto que ofrecerá o trío de corda Concertino na Igrexa do convento das madres Bernardas de Ferreira, no Concello de Pantón.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...