Este venres día 12 terá lugar un concerto do dueto musical e humorístico Carta de Ajuste en Ferreira de Pantón. A actuación terá lugar ás 23:00 na Praza do Concello, ao lado do Edificio Sociocultural.

Este conxunto está formado polos músicos David Taboada e Iván Valdés, e desenvolverán un espectáculo chamado “O mellor e o peor dos 80 e 90 en concerto”. Trátase dun show que combina o humor e a música con grandes doses de interacción co público, cos grandes éxitos das décadas pasadas como fío condutor.

Os dous músicos tentarán reproducir un repertorio moi complexo con só unha guitarra española, unha caixa peruana e dúas voces; algo que lle conferirá unha gran personalidade ás súas versións.

Esta actuación está enmarcada dentro do Ciclo Cultura no Camiño 2019 que cofinancia o Agadic.