HomeCulturaCine Xacobeo na Pobra do Brollón

Cine Xacobeo na Pobra do Brollón

A Área Recreativa de Samugueiros acollerá todos os xoves de agosto a proxección dun filme relacionado co Camiño de Santiago.

Publicado o

- Advertisement -

O próximo xoves día 1 de agosto comezará na Pobra do Brollón o ciclo de cinema ao aire libre “O Camiño na Gran Pantalla”. Todos os xoves de agosto proxectarase ás dez da noite na área recreativa de Samugueiros un filme relacionado co Xacobeo. O primeiro será “O Apóstolo”, unha película de animación gañadora de seis Premios Mestre Mateo. Está realizada coa técnica do stop-motion e dirixiuna Fernando Cotizo.

A seguinte película, que se poderá ver o día 15, é “Pelegrinaxes”, do italiano Simone Saibene. Trátase dunha mestura entre documental e ficción e recrea o percorrido que fixeron en 1927 os membros do Grupo Nós Otero Pedrayo, Vicente Risco e Ben-Cho-Shey entre Ourense e Santo André de Teixido.

O xoves 29 será o turno de “The Way” (“O Camiño”), dirixida polo realizador estadounidense Emilio Estévez. Esta cinta está protagonizada polo seu pai, Martin Sheen, cuxas orixes se atopan no municipio pontevedrés de Parderrubias. “The Way” está recoñecida por ser un dos instrumentos clave para a popularización do Camiño de Santiago en Norteamérica.

Haberá, tamén, dúas proxeccións máis de carácter solidario. O sábado día 3 proxectarase na Casa da Cultura a curtametraxe documental “La Niña Bonita”, que retrata a realidade dos refuxiados. O custe da entrada será de 2 euros, e a recadación será destinada integramente a Acnur.

ÚLTIMAS

“Aquietar a mente”, novo Faladoiro en Quiroga este 30 de abril

María Teresa Taboada, “Tere para @s amig@s”, é de familia quiroguesa por parte de...

A Mostra de Viños da Ribeira Sacra de Pantón preséntase como unha experiencia

As actividades da Mostra de Viños da Ribeira Sacra de Pantón déronse a coñecer...

Obradoiro de adolescencia e contido online, este 9 de maio en Chantada

O Concello de Chantada organiza o 9 de maio no Auditorio Municipal de Chantada...

Despois dunha “longa noite de pedra” Galicia recupera a electricidade no 85% do territorio

A Xunta decretou na noite do luns a Emerxencia 3 o que implica que...