O cantante e compositor de Los Árboles actuará en Salcedo, a súa parroquia de orixe, este día 28 ás 21:00 h. A cita será na terraza da Cantina de Julia. Posteriormente o propio artista ofrecerá unha sesión DJ na Salanova.

O concerto que ofrecerá Ale González en Salcedo é parte dunha serie de concertos acústicos onde revisa a piano e voz o último disco de Los Árboles, Ensayo y Error, xunto con parte dos seus anteriores traballos, cancións inéditas que pronto darán forma ao seu primeiro disco en solitario, e algunhas versións.

Ale está aproveitando esta xira, na que xa visitou numerosas salas en Galicia, Madrid e Cataluña, para achegarse ao público e xogar coas súas propias cancións dunha forma máis intimista e persoal.