O Concello de Bóveda programa para as 17.00 h. a peza “Sucesos”, baseada na obra ‘Paso de cebra e suceso’, de Gustavo Perna. A representación corre a cargo do grupo de teatro monfortino “Viraventos” e a adaptación da obra foi feita por Eva Ferreira.

Serán 9 sketchs sobre outras tantas situacións dun día calquera interpretadas por oito actores/as baixo a dirección de Eva Ferreira.

Este mesmo día pero ás 18.00 h. o Concello de Pantón ofrece a obra “Un funeral para morrer de risa”. Apta para público familiar e a cargo do grupo de teatro Prodeme de Monforte.

Será no Salón de Actos da Casa da Cultura, a entrada é de balde pero haberá un peto solidario para recadar fondos para a ONG ACNUR.