A Banda de Música de Taboada ofreceu no día de Reis un concerto no antigo cuartel da localidade. O repertorio, moi variado, estivo composto por música contemporánea, música de cine e compositores do século XX e XXI sen esquecer as panxoliñas de Nadal.

A Banda de Música de Taboada retoma a súa actividade despois de case tres anos de parón. O seu director, Miguel Franqueiro, agradece a asistencia ao concerto, que foi seguido por numeroso público.

Animou ademais a quen o desexe a sumarse á formación, así como recibir clases na Escola de Música de Taboada, que botou a andar en setembro deste ano.

No concerto, co que colaborou o Concello de Taboada, participaron antigos membros da banda e novas incorporacións que se animaron ao coñecer o proxecto.