A programación que vén de deseñar o equipo de traballo da área de cultura do Concello de Sober inclúe actividades para todos os públicos que se desenvolverán en diferentes espazos da vila. O desenvolvemento das mesmas farase cumprindo coas normas e esixencias que impoñen as autoridades sanitarias mantendo as distancias de seguridade en todo caso e sendo obrigatorio o uso da máscara.
PROGRAMACIÓN
21 de agosto
Actuación de Xoán Curiel no recinto das piscinas municipais ás 19:00 h. Curiel presentará o seu espectáculo “Como montar a túa banda de verán”, un conto-concerto pensado para o público familiar.
22 de agosto
Ás 20:00 horas Carlos Núñez ofrece un concerto nos xardíns do Hotel Pazo de Sober no marco da súa xira ‘Lugares Máxicos’. As entradas puxéronse á venda en entradas.ataquilla.com. Será o único concerto da xira que o músico vai ofrecer na provincia de Lugo.
23 de agosto
Ás 20:00 horas a Banda de Música de Sober ofrecerá o “Concerto para unha nova era“ no marco exterior incomparable dos Chancís.
28 de agosto
A Banda de Música de Sober ofrecerá ás 22:00 h. o concerto á luz da lúa na Praza do Toural.
5 de setembro
A Praza do Pulpo acollerá o espectáculo da formación Carta de Ajuste: “O mellor e o peor dos 80 e 90 en concerto”. Humor e música maridarán en Sober para pasar unha tarde-noite entretida e disparatada con versións diferentes de temas que todos/as coñecemos daquelas décadas. Será ás 20:00 h.
FESTAS DO CARME
O día 19 de setembro a Charanga Ardores dará un concerto-vermú ás 12:30 horas e ás 13:30 horas na Praza do Concello.
O mesmo día ás 19:00 horas na Praza do Toural Pequeno Cabaret Infantil protagonizará un espectáculo de rúa con Nelson Quinteiro.
O día 20 de setembro a Banda de Música de Sober fará un pasarrúas, procesión e concerto coincidindo coa celebración da Virxe do Carme.
Ás 12:30 horas do mesmo día Os Monifates ofrecerán un espectáculo de rúa de música tradicional na Praza do Concello.
E ás 19:00 horas haberá un espectáculo de maxia, “Don Gelati“, a cargo de Dani García na Praza do Toural.
