Chega a APALPADORA ao Concello de Sarria.

Nin máis nin menos que a filla do lendario Apalpador, que colle o testemuño do seu pai e baixa da montaña nestas datas para visitar aos nenos e nenas galegas. Contaralle aos cativos e cativas como é a vida na alta montaña e as súas marabillosas lendas e para desexarlles un Bo Nadal trae froitos que recolle durante todo o ano e agasallos que fabrica ela mesma.

Vén cos seus irmáns: o Xoven Apalpador, que trae con el unha maleta chea de natureza e as máis fermosas historias, e o Trotamúsico André, para mergullarse con cancións nas súas incribles andanzas.

Este espectáculo, organizado polo concello en colaboración da Deputación de Lugo, está indicado para todas as idades e ten unha hora de duración.