Xesús Vázquez é un médico de profesión que leva dedicándose intensamente á súa vocación artística, sobre todo, desde 2007. Desde aquela inaugurou en varias ocasións no Círculo Saviñao coa exposición “Catro médicos pola Ribeira Sacra”.

A súa obra leva recorrido salas de toda España, Portugal, Francia e Venecia. O pasado ano participou na XXXIX Mostra internacional e Multidisciplinar de Arte Contemporáneo de Barcelona, e vén de saltar o Atlántico para participar nunha colectiva no Museo del Tequila de Jalisco (México).

A exposición permanecerá aberta ata primeiros de abril.