“O desafío do Sil” foi un dos 7 proxectos mercados por CRTVG no paquete de medidas de apoio ao sector audiovisual e creativo adoptadas por CRTVG para contrarrestar os efectos da Covid-19.
O documental narra a construción das presas e centrais hidroeléctricas na conca do Sil pola empresa Saltos del Sil, e a transformación que sufriron as comarcas nas que se instalou. Baseado no libro de Susana Chávarri “A Construcción dos Saltos do Sil, 1945,1965” recolle material de arquivo da construción dos saltos e testemuñas de traballadores.
Sinopse
En 1959, Alejandro del Campo, o enxeñeiro responsable dos proxectos de Saltos del Sil, durmía pouco. En xaneiro, un encoro de Eléctricas Moncabril sufrira unha rotura arrasando o pobo de Ribadelago na provincia de Zamora . Meses despois, o Sil baixaba con un caudal maior do previsto, e os encoros de Santo Estevo e San Pedro aínda estaban en construción. O enxeñeiro era consciente do perigo que se achegaba en forma de riada. A posibilidade dunha traxedia, agora en Ourense, era real.
Mentras Diotino, empregado de Saltos del Sil, traballaba día e noite para mitigar os efectos da riada, os seus veciños labregos seguían as súas rutinas con normalidade. Non eran conscientes da catástrofe que rondaba ás obras. Tampouco da trasformación que ían soportar as comarcas e as súas vidas cando estas rematasen.
