O concello de Bóveda celebra o Día do Libro. Por unha banda cóntase con dúas exposicións; unha no centro sociocultural que leva por título “Breve historia do libro” e unha mostra de libro antigo na biblioteca “O pracer de tocar e botarlle un ollo a un libro do século XIX…”

No primeiro caso, 11 paneis contan a evolución de conservación dos textos desde Mesopotamia ata a era dixital. No segundo caso cóntase cun cento de libros de todas as temáticas con raras edicións de época de autores do século XIX e XX

As exposicións poden visitarse en horario de 10.00 a 14.00 de luns a venres e os martes de 18.00 a 19.30 e os mércores de 16.30 a 18.30.

Organizáronse tamén obradoiros de minilibros en horario de 16.30 a 18.30, celebrando este venres a última actividade.