HomeCulturaSábado cultural en Sarria

Sábado cultural en Sarria

O concello participa nun acto de homenaxe ao poeta Lois Pereiro pola mañá, e pola tarde organiza un espectáculo de narración oral na Praza da Vila.

Publicado o

POR
Redacción
- Advertisement -

O luns 24 de maio cumpríronse 25 anos do pasamento do poeta Lois Pereiro, intelectual que foi homenaxeado no día das Letras Galegas hai. Coincidindo con esta efeméride o Ateneo Casino de Monforte organizou varios actos.

Un deles é un acto expansivo que, sobre a figura deste poeta, vaise celebrar este sábado 5 de xuño ás 12:30 h. en varios puntos da xeografía galega o mesmo día e á mesma hora. O Concello de Sarria, que participa no mesmo, organizará a súa achega coa colaboración da Biblioteca Fiz Vergara Vilariño e de Radio Bolboreta do IES Gregorio Fernández.

ESPECTÁCULO DE NARRACIÓN ORAL / SINOPSE

“Sentido común”, esta é a proposta que trae a Sarria a produtora Tarabela Creativa da man dos contadores Ángeles Goás, Dani Blanco e Carmen Conde. Será ás 19:00 h. na Praza da Vila, e en caso de choiva realizarase na Casa da Cultura.

“Sentido común”: o menos común dos sentidos… Segunda acepción: sentimento de pertenza á comunidade. Terceira: sentimento do corrente, do normal, do ordinario. E alí, xusto alí –por riba de todo, por baixo do aparentemente notorio– é onde nacen as historias grandiosas de verdade.

Este espectáculo quere recuperar, recontar e relembrar a todos e todas esa pequena xente que fai grande o mundo, para que non se esqueza da súa memoria, para que todas e todos lembremos que temos algo que contar. “Nós somos as comúns”.

ÚLTIMAS

AulABERTA presenta o último poemario de Abraham Pérez este 19 de novembro no Centro do Viño

O acto celebrarase ás 19:00 horas no Centro do Viño de Monforte de Lemos...

“O Son da Serra, cando O Courel derramou bágoas de cinsa” proxéctase este 19 de novembro no Multiusos de Samos

O Son da Serra, Cando O Courel derramou bágoas de cinsa é o filme...

Chantada humanizará co plan HURBE a conexión entre a rúa Doutor Fleming e a Avenida de Lugo

O alcalde de Chantada, Manuel Lorenzo Varela e a Conselleira de Vivenda e Planificación...

Inscricións abertas ata o 9 de decembro para participar no Mercado de Nadal de Monforte

O prazo para presentar as solicitudes estará aberto desde este mércores, 18 de novembro,...