HomeCulturaComezan as tardes musicais no Círculo Saviñao

Comezan as tardes musicais no Círculo Saviñao

O dúo musical Minguante, formado por Miguel Alonso e Óscar Martínez, vén de actuar na terraza de verán do Círculo Saviñao, dando comezo a estas tardes musicais que a sociedade de Escairón ofrece aos seus socios e veciños durante os meses de xullo e agosto.

Publicado o

POR
Redacción
- Advertisement -

Minguante ofreceu versións doutros grupos e autores e tamén composicións propias do seu último disco e doutros de Miguel Alonso, como ‘A noite dous cans’ (2010), ‘Como deuses de alugueiro’ (2014) e ‘Literaria’ (2019), no que musicaliza a diferentes poetas galegos actuais. Durante a actuación contaron tamén coa colaboración nalgún tema de Irene Quinteiro, quen actúa co apoio de Miguel na sesión de contacontos ‘Música miúda’ para nenos.

O vindeiro sábado 10 de xullo estarán na terraza, tamén ás 8 da tarde, o dúo conformado por Lorena do Val e Gonzalo Ferreiro . O 17 de xullo será Sergio Alba quen ofrecerá a súa actuación musical “Favoritas”. O 24 contarase coa Pequena Compañía, dúo formado por Sergio Ariel Rodríguez Riarte (guitarra e voz) e Amor Herrera (trombón e percusión).

O venres, 30 de xullo, o grupo A Quenlla, ofrecerá o concerto “Trobador non Camiño, as cantigas de Martín de Pradozelos”, traballo que aborda a creatividade musical, a interpretación e a gravación de textos de Martín de Padrozelos, quen se cre que foi o primeiro trobador galego-portugués de finais do século XI con referencia escrita. A actuación está facilitada pola Secretaría Xeral de Política Lingüística da Xunta de Galicia.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...