Parte da tirada dos selos xa están en circulación, xunto coa postal tamén creada especificamente para a ocasión e que loce un verso do poeta. Con estas postais respondeuse ás decenas de postais recibidas no Ateneo nas últimas semanas dende lugares de todo o mundo, tralo anuncio que se fixo dende as redes sociais.

“Tratándose dun poeta tan viaxeiro como Lois Pereiro, é fermoso pensar que estes postais e selos están agora mesmo circulando polo planeta” comenta Xepe Rodríguez, un dos impulsores da iniciativa ‘25 anos con Lois Pereiro’.

Tralo acto expansivo que se organizou dende o Ateneo Casino con gran éxito de participación o pasado 5 de xuño, a entidade irá anunciando ó longo do ano máis iniciativas para marcar a efeméride.