Queda finalmente aprazado o gran salto de pasar a 2 días de festival con grandes novidades e máis actividades para 2022. “Este ano as condicións non se adaptaban para acometer semellante cambio,” aseguran desde a organización,
A Asociación Cultural “Os Trece Roeis” organizará o festival este ano adaptado á nova normalidade. Será un formato moi limitado, onde haberá menos actividades, pola situación actual, pero que busca prender de novo a chama para que o ano que vén volva por todo o alto con todo o formato.
As actuacións da noite serán con acceso limitado, previa adquisición de entrada, cumprindo así cos protocolos vixentes da Xunta de Galicia. Seguirá sendo un festival que aposte pola música en galego e os grupos locais da Ribeira Sacra. Nos vindeiros días anunciarase o cartel completo do festival deste ano.
