HomeCultura'Cabe no Trío': "traballamos polo bo ambiente, a beleza do arte e...

‘Cabe no Trío’: “traballamos polo bo ambiente, a beleza do arte e por fomentar a actividade cultural local”

Este grupo musical, composto por un arxentino, unha vasca e un galego actuarán o sábado 17 na Cantina de Meán, no Saviñao. Versionarán, entre outros/as a Édith Piaf, Mercedes Sosa, Buenavista Social Club, Chavela Vargas.

Publicado o

POR
XMF
- Advertisement -

A Cantina de Meán convida de novo a unha noite de música este sábado 17 de xullo. Nesta ocasión co grupo “Cabe no Trío”, unha formación moi internacional de orixe pero asentados en Pantón. A actuación será a partir das 20:00 h.

Cabe no Trío son tres músicos, Mauro Alves, pianista arxentino especialista en floclore latino, Cecilia Alonso, unha cantante do País Vasco, e un percusionista galego moi influenciado tamén polo folclore, Arturo García. Falamos con este último para coñecer catro cousas desta proposta musical.

Os tres pertencen ao “Caldo colectivo”, un colectivo artístico multidisciplinar que vén de nacer nas Terras de Lemos e que conforman polo de agora arredor de 20 artistas de varios paises e con diferente percorrido artístico. Neste grupo hai unha gran parte de músicos con varios proxectos musicais en marcha.

Un deses proxectos é ‘Cabe no Trío’, nacido desta forza instintiva e asociativa con ganas de empezar a tocar e ir animando as rúas e os bares este verán.

Segundo palabras de Arturo García, o percusionista do grupo, “dende as ribeiras do Cabe, ofrecemos unha viaxe sonoro polo mundo e tocamos boleros, cumbias, tangos, zamba arxentina, swing… e folclores do mundo.Tocamos nomes como Édith Piaf, Mercedes Sosa, Buenavista Social Club, Chavela Vargas, etc”. E engade “traballamos polo bo ambiente, a beleza do arte e por fomentar a actividade cultural local“.

ÚLTIMAS

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...