As pulseiras que servirán de entrada e que se poden reservar en woutick.es saen da man dunha colaboración moi especial coa Asociación Ruliños Terras de Lemos, entidade sen ánimo de lucro para nenos e nenas con necesidades especiais. Por cada pulseira que se venta do festival por valor de 2€, Ruliños recibirá 1€ de colaboración. Nace así unha colaboración entre asociación coa que se busca que teña continuidade no tempo. Pódense adquirir pulseiras sen ter que reservar entrada para o Festival e mantendo a mesma colaboración coa asociación.

O cartel deste ano contará o día 21 de agosto en Pantón, ademáis de Sés, con Gin Toni’s, Xabier Vizcaíno e Fuego Street Band.

Para adaptarse ás normativas sanitarias da pandemia, a organización do Festival agradece chegar ao recinto co tempo suficiente para a toma de temperatura e acomodo. As portas abriranse ás 19.15 e o desaloxo fíxase na 01:35. A máscara será obrigatoria en todo momento, agás cando se consuma na cadeira.