HomeCulturaPoesía na Pobra do Brollón, música e cine en Pantón e obradoiro...

Poesía na Pobra do Brollón, música e cine en Pantón e obradoiro floral en Escairón

Este xoves preséntase na Pobra do Brollón o poemario Hasta que llegué al silencio, o concello de Pantón contará con actividades culturais venres e sábado e en Escairón a biblioteca acollerá este venres un obradoiro de elaboración de flores en tela.

Publicado o

POR
Redacción
- Advertisement -

Este xoves, 12 de agosto, preséntase na Pobra do Brollón o libro Hasta que llegué al silencio (Peruchela Ediciones), o primeiro poemario da xornalista Mayte Rodríguez. 

Mayte Rodríguez, natural da parroquia guímara de Piño, presentará o libro na terraza do restaurante 1º de Maio na Pobra do Brollón, este xoves 12 ás 20:30. O acceso é libre previa reserva de entrada no teléfono 650 624 828.

No concello do Saviaño, aproveitando a visita de Loli Guitián a Escairón, a antiga mestra de origami da biblioteca municipal ofrece un obradoiro de flores usando a técnica xaponesa de elaboración de flores de tela. Será este venres 13 ás 12 na biblioteca con aforo limitado, polo que é imprescindible reservar praza na biblioteca ou no teléfono 982452324. Será tamén indispensable cumprir o resto de medidas de seguridade durante o desenvolvemento da actividade.

E no concello de Pantón contarase nos vindeiros días con varias actividades, o venres haberá música na praza co grupo O Ventosiño, parte musical dos Xograres de Lemos. O concerto terá lugar a partir das 22.00.

O sábado a proxección de cine na rúa será as 23.00h co título Chicos buenos. Contarase con aforo limitado pola Covid19 polo que é preciso reservar no 982 456 377.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...