O autor, compositor, intérprete e multi-instrumentista angolano, Alberto
Mvundi, regresou esta fin de semana ó Círculo Saviñao de Escairón para presentar na terraza de verán o seu concerto de lusofonía composto por cancións propias do seu disco “Musseque“.

Música de raíces africanas en portugués e noutras linguas, con ritmos e musicalidade de Angola pero cunha visión moderna. Estivo acompañado por Margarita Baluja e os mozos Gael Alberto e Xela Mvundi, que colaboraron en encher o Círculo de ritmos sudafricanos e dun público entusiasmado coa súa simpatía e bo facer.