O Concello de Bóveda estrenará o mes de setembro cunha interesante xornada festiva e cultural na que están programadas dúas actuacións na Praza da Filgueira: unha musical pola mañá e outra de teatro infantil pola tarde.

Ás 13:00 h. actuará a Banda de Música dos Xograres de Lemos co repertorio do seu espectáculo “O Folión”, e pola tarde, ás 19:00 h., terá lugar o espectáculo “Miragres” da compañía Micromina Títeres.

Este segundo espectáculo, indicado para un público familiar, integra a interpretación dos monicreques coa música en directo.