O acto terá lugar a partir das 20,30 horas no Círculo Recreativo Cultural de Chantada. O libro xurdiu da ampliación a toda Galicia do estudo sobre os curtumes que o historiador, Claudio Otero, realizara en Chantada. Traballo que xa fora galardoado co Premio Condado de Pallares.

O acto estará presentado por Begoña González Aguiar, tamén gañadora do Condado de Pallares por un traballo sobre o Mestre Mateo. Tanto Claudio como Begoña son membros do Consello de Redacción da Revista Alicerces, que edita a Irmandade.