A peza está dirixida a un público infantil e familiar e fai unha mestura entre a natureza das abellas e as colmeas, e o mundo dixital das redes sociais. Así mesmo, aborda temas tan importantes como a amizade e as contradicións dos instintos biolóxicos. O desenlace inesperado e inspirador non deixará indiferente a ninguén.
Unha proposta programada pola área de Cultura da Deputación de Lugo en colaboración co concello de Pantón para o vindeiro domingo 14 de novembro, ás 18:00 horas na Casa da Cultura.
CIRCUÍTO DE TEATRO PROFESIONAL APARTE
Este circuíto, promovido desde a Vicepresidencia da Deputación de Lugo, conta con dez compañías que xiran ao longo do ano por distintos concellos e con montaxes para todos os públicos.
Ademais de Titiriterra, compañía que estará este domingo no Concello de Pantón, participan na iniciativa Trécola, Titiriterra, Mircromina Teatro, Lîlâ Teatro, Ubú Teatro, Señor López Producións, Pínconús, Teatro baixo da area, A compañía solitaria do Dr. Monifate e Ítaca Teatro.
