O luns 3 de setembro, Monforte vivirá unha xornada marcada pola actividade cultural.

Por unha banda, ás 11:15 horas, na Sala de Xuntas do Concello, presentarase o libro “La Gran Obra de la Ribeira Sacra“; unha obra composta de 2 volumenes ilustrados por Antón Rodicio. Ó acto de presentación tamén asistirán Dario Campos, presidente da Deputación de Lugo, Francisco Rodríguez Iglesias, presidente de Hércules Edicións e José Tomé Roca, alcalde de Monforte.

E pola outra, a fotógrafa Rocío Rodríguez “Peruchela”, estreará a súa mostra fotográfica “Oficios e ferramentas II” na Casa da Cultura de Monforte en horario ininterrompido de 10 a 20:00 h. de luns a venres. A mostra, na súa segunda edición, amosa os diferentes oficios da Galicia rural co obxectivo de rescatar do esquecemento as antigas profesións da zona como foron a de resiñeiro, silleiro, albardeiro ou telleiro e oficios entrañables como os cocheiros, cesteiros, zoqueiros ou alambiqueiros. Os interesados/as en gozar do pasado galego teñen ata o vindeiro 17 de setembro para lembrar os antiguos oficios do rural e o venres 7 ás 19.00 h. a propia autora fará unha visita guiada.