HomeCulturaMúsica de cine o día 21 en Monforte coa Orquestra Gaos

Música de cine o día 21 en Monforte coa Orquestra Gaos

A Vicepresidencia da Deputación de Lugo organiza, en colaboración coa Sociedade Filarmónica de Monforte de Lemos, un concerto da Orquestra Gaos, unha formación de 80 músicos de toda Galicia, que este martes, 21 de decembro, interpretará no Edificio Multiusos a partir das 20.30 un repertorio de pezas de bandas sonoras.

Publicado o

POR
Redacción
- Advertisement -

No programa, baixo o título “Música de cine”, figuran composicións de John Williams para “Jurassic Park” , “Indiana Jones”, “Star Wars”  “A lista de Schindler ou “Harry Potter e a pedra filosofal”; de Alan Silvestri para “The Avengers” e “Regreso ao futuro”; ou de Howard Shore para “O señor dos aneis”, entre outras. A actuación será ás 20.30 horas no auditorio do Edificio de Usos Múltiples de Monforte de Lemos.

A vicepresidenta da Deputación Maite Ferreiro, explicou que “este concerto da continuidade ao apoio e colaboración que desde a área de Cultura vimos mantendo coa Sociedade Filarmónica de Monforte de Lemos” e valorou o interese desta actividade “para o público, que desfrutará do talento de músicos excepcionais, e para as e os intérpretes, que teñen a oportunidade de despregar o seu talento e amosar o resultados dos moitos anos de formación que hai detrás da maioría deles”. A Vicepresidencia da Deputación contribúe, con achegas anuais, ao funcionamento dos conservatorios de Monforte, Vilalba e Monforte.

A Orquestra Gaos nace en abril de 2009 e está formada por 80 músicos de toda Galicia, na súa maioría estudantes e profesores dos conservatorios galegos, cos que desenvolve unha importante actividade concertística. Desde a súa creación ofrece máis dun cento de concertos e participan como solistas máis de medio cento de músicos galegos cunha importante traxectoria artística, algúns dos cales xa posúen unha dilatada carreira.

ÚLTIMAS

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...