InicioCulturaAs identidades, o internacionalismo e o  pacifismo, temas protagonistas en Monforte no XX...

As identidades, o internacionalismo e o  pacifismo, temas protagonistas en Monforte no XX Coloquio da Historia da Educación

A actividade organizada pola Sociedade Española da Historia da Educación (SEDHE) celebrarase na Casa da Cultura de Monforte do 9 ó 12 de xullo do 2019.

Publicado o

- Advertisement -

As persoas interesadas en achegar suxestións respecto dos obradoiros a desenvolver no marco deste foro poderán facer as súas aportacións ata o 25 de outubro. O prazo de presentación de comunicacións para o XX Coloquio de Historia da Educación permanecerá aberto ata un mes máis tarde.

A actividade organizada pola Sociedade Española da Historia da Educación conta coa colaboración das Universidades de Vigo, A Coruña e Santiago de Compostela, ademais das universidades de Florencia, Lisboa e Santa Catalina (Brasil).

En Monforte daranse cita investigadores de universidades españolas e estranxeiras para tratar cuestións transversais na educación, como son as identidades o internacionalismo e o pacifismo, segundo se explicou na presentación da actividade. Para esta presentación acudiron á cidade do Cabe o Presidente do Comité Organizador, Xosé Manuel Cid; a Secretaria do Comité, María Victoria Carrera e o presidente da Sociedade Española da Historia da Educación, Eugenio Otero. 

O alcalde de Monforte, José Tomé,  asegurou que era unha honra acoller estes coloquios cunha traxectoria xa consolidada e que xa pasaron por cidades como Sevilla, Granada, Santiago de Compostela ou San Sebastián. Para o rexedor local era necesario que a cidade do Cabe fose tamén escenario desta cita, xa que Monforte “goza dunha consolidada tradición escolar”. Toda a información sobre este congreso científico na web da Sociedade Española de Historia da Educación (SEDHE).

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...