A representación contará coa asistencia da autora da obra, Carme Varela, que presentará esta peza na igrexa dun antigo mosteiro feminino bieito que foi rexido por unha abadesa rebelde aos plans da Coroa de Castela de anexionar estes mosteiros a San Paio de Antealtares, temática da que trata As desterradas.

O acto terá lugar o domingo, 3 de abril de 2022, e comezará ás 11:30 h, concentrándose diante da capela da “Raíña dos Anxos”, en Lobios, moi cerca da igrexa románica. Dentro da igrexa de San Xillao de Lobios terá lugar a presentación, que rematará, se o tempo acompaña, cun pequeno paseo ata o souto do Tellada, de castiñeiros centenarios.

A actividade é gratuíta, sendo preciso anotarse por cuestións de organización no teléfono 674938803. Colaboran coa actividade as asociacións O Sorriso de Daniel e O Colado do Vento.