AulAberta retoma as charlas educativas este mércores, día 4 de maio. Baixo o título, Adolescentes, Familias confundidas, Manuel Isorna, doutor en Psicoloxía e profesor da Universidade de Vigo, abordará cuestións como a globalización de Internet, as redes sociais, o emprego do teléfono móbil, o acceso á pornografía e os videoxogos unido aos tradicionais problemas vinculados ao consumo de alcohol e drogas.
“O labor de educar é cada vez máis complicado e moitos pais e as nais teñen a sensación de andar desorientados cos seus propios fillos/-as. Nais, pais e educadores/as vivimos nunha sociedade cargada de urxencias e responsabilidades que apenas deixa tempo para pensar”, sinalan desde AulAberta.
Respaldan a Manuel Isorna publicacións como “Trastorno por Déficit de Atención con Hisperactividad (TDAH)”, “El consumo de cannabis y sus derivados”, “Cannabis: evidencia científica vs. controversia social” ou “Cannabis: efectos, riesgos y beneficios terapéuticos”.
