O Concello do Incio colabora coa artista, María Quiroga, que o día 18 de xuño inaugurará no antigo mercado gandeiro da Cruz do Incio a súa mostra ‘As cores do ferro’, unha exposición de arte mineral composta por máis de 15 cadros.
A exposición, que abre o día 18 ás 18 horas, poderá visitarse ata o día 28 de xuño en horario de horas solicitando as chaves na Casa do Concello. O día da feira, o 22 de xuño, permanecerá aberta ata as 18:00 horas.
‘As cores do ferro’ é una mostra de máis de 15 cadros elaborados coa técnica da arte mineral que a autora aprendeu do Mestre A. Bello López. Moi vinculada ao Incio, María Quiroga explica que “todos os cadros están feitos con pedras, rochas e coios recollidos a maioría nos montes da contorna, especialmente na Ruta do Ferro”.
María Quiroga, quere destacar como con pedras tinguidas polo óxido de ferro, que foi a primeira pintura de cor e é tan abundante na Terra brava, se pode facer unha colección de traballos suficientemente variados, aínda que estean feitos con ocres, brancos e negros, o que ofrece como resultado unha mostra amena e interesante.
