O ciclo Concertos do Xacobeo da Xunta de Galicia traerá a Monforte de Lemos o vindeiro venres, 15 de xullo, ao grupo madrileño Los Secretos, que están de xira cun formato en acústico no que repasan as súas cancións máis emblemáticas así como as novas obras do seu último disco.

O delegado territorial da Xunta en Lugo, Javier Arias, presentou esta actuación, que será gratuíta e terá lugar na explanada da Compañía a partir das 22.30 horas.

Arias lembrou que a Xunta ten programados máis de 100 eventos musicais diferentes para todos os públicos en medio cento de localidades galegas ata o mes de novembro. Poden consultarse na páxina web www.concertosdoxacobeo.gal.