A exposición ‘Compromiso na distancia’ está a percorrer ao longo do ano diversas localidades galegas, con itinerancias en concellos da Rede de dinamización lingüística da Xunta e en bibliotecas da Rede de bibliotecas públicas de Galicia, para difundir a figura, a vida, a obra e o contexto histórico que lle tocou vivir a Florencio Delgado Gurriarán.

Este mes, e ata o 31 de xullo pode verse na Casa da Cultura de Chantada en horario de 9:00 a 15:00 h.

A mostra, producida pola Editorial Galaxia, conmemora o Día das Letras Galegas 2022 e divídese en 15 paneis explicativos que percorren a vida e obra de Delgado Gurriarán.