A presentación no Centro do Viño da Ribeira Sacra (Concello de Monforte) será o venres, 28 de outubro, ás 19 horas, e rematará cunha cata de viños da variedade Albarello.
Esta edición en galego é tradución de Xesús Verao Pérez, profesor xubilado de Lingua Galega e viticultor, e conta cunha introdución de Mª Luisa Losada Sanmartín, historiadora da ciencia, colaboradora do Grupo de Física No Lineal da USC. Ambas persoas intervirán nas presentacións do libro, contando, ademais, con Alfonso Campos, José María Lago e Javier Vivirido, persoas responsables da promoción desta reedición.
O libro xa está a venda na Libraría da Proencia dende agosto e está tamén dispoñible en librarías de Monforte. Inclúe na cuberta e contra unha fotografía dun retablo do século XVIII da igrexa de San Vicente de Pinol (Sober) no que se representa a uva Albarello (oficialmente Brancellao), “a máis abundante na Galiza” na época que escribe Antonio Casares.
