O taller será o venres ás 20:15 no bar Primeiro de Maio, a cargo do colectivo Erre que Erre, formado polas regueifeiras Alba María, Sara Marchena, Nuria Penas e Lorena Medela. A actividade é gratuíta e aberta a todo o mundo, asistiran ou non a edicións anteriores. Ofrecerase durante o obradoiro a posibilidade de cear arepas, especialidade do Primeiro de Maio.
Ao longo do sábado 22 celebrase unha nova Xornada Guerrilleira, coincidindo preto da data da batalla de Repil do 20 de abril de 1949. Haberá un amplo programa de actos que incluirán presentación de libros e conferencias, homenaxes a cargo de Xurxo Ayán e Olga Novo; cine, música e degustacións. A xornada desenvolverase entre o lugar da memoria da Casa dos Amaro en Repil, e a Casa da Cultura da Pobra do Brollón. O acceso é libre e de balde.
O domingo 23, a actividade trasládase á parroquia de Vilachá de Salvadur, concretamente, ao furancho O Currio en Trasmonte. Alí a partir das 13:00h ofrecerá un concerto de blues o músico Néstor Pardo. Afincado en Mississippi, Néstor Pardo está a realizar actualmente unha xira española, que pasará o domingo pola Ribeira Sacra guímara. O concerto é con billeteira inversa. Unicamente hai que reservar no caso de querer xantar (no teléfono 604 187 625).
