Este outono chega cargado de actividades culturais no concello de Pantón. Xa se coñece o calendario de teatro “Outono Cultural” que comeza hoxe domingo día 28 de outubro ás 18:00h no Edificio Sociocultural de Pantón coa obra “Farsa Plautina” do grupo teatral Os Trocos de Castro de Rei. Por orde cronolóxico, as seguintes pezas teatrais programadas para novembro serán: o día 4 “Un día nas portas do ceo” da Compañía Augas do Sil, o día 11 “Inspector” a cargo de Muxicas e “A verdadeira historia de Manuel de Paderna” da agrupación teatral Lucecús o día 25.
Xa para decembro, o día 2 hai unha obra a cargo de PRODEME co título “Un mal día”, trátase dunha adaptación da obra de Hugo Daniel Marcos; e xa rematando o mes, o 27 representarase a obra “Cachopo máxico” do grupo Lila Teatro.
Outra actividade cultural interesante que se levará a cabo rematando esta semana é un obradoiro de cadros feitos con fios a cargo de dona Lorena Quintas Reijo; será o venres día 2 de novembro no segundo andar do Edificio Sociocultural de Pantón. Soamente hai 12 prazas dispoñibles que se completarán por rigorosa orde de inscrición.
