Aos 10 grupos anunciados nos primeiros avances de febreiro e marzo, que eran SFDK, Reincidentes, Catuxa Salom, Tregua, Lucía Aldao, Lamatumbá, Sofía Espiñeira, Festicultores Troupe, Monoulious DOP e Enxeito súmanselle, neste terceiro avance pero non derradeiro, a banda alavesa de punk rock Kaotiko, que, con más de 240 mil oíntes mensuais, vén de presentar o seu videoclip Preso 2023.
Tamén con novo videoclip e máis de 200 mil oíntes mensuais na mesma plataforma, vén Benito Kamelas, unha banda valenciana que escapa do mítico “bacalao” e trae unha proposta de rock con sinatura propia.
E sen movernos de Levante, chega Auxili que trae a este Trece Roeis Fest 2023 a súa proposta reggae, con toques de ska e rap entre outros.
Por último pechan este terceiro avance The Poe’ts Silence e TIAM GZ, dúas bandas da Ribeira Sacra, que non podían faltar no cartaz do festival pantonés e na aposta tradicional desta cita musical polas bandas da contorna.
A venta de entradas está habilitada a través da súa páxina web www.treceroeisfest.com e, coma outros anos, ofrécese acampada libre e de balde. Ademáis, e ata o domingo ao mediodía, a organización ten habilitado un sorteo de 2 abonos e merchandising propio nas súas redes sociais.
Coma noutras ocasións, o festival conta coa colaboración de: Xunta de Galicia, Deputación Provincial de Lugo, Concello de Pantón, Mahou, Daveiga, Rectoral de Amandi, Torre de Núñez, Gadis, Regina Viarum, Reizentolo, Destilados N°0 e Avante.
