Dende a asociación cultural “Segredos de Pantón” e Estudio Gnomo organizan o vindero domingo, 2 de xullo, unha actividade polas terras de Marce en Vilar de Ortelle, no concello de Pantón. Presentarase o novo libro de Estudio Gnomo titulado “Mitos e Lendas da Ribeira Sacra”. Contarase coas autoras e cun entorno dunha das lendas do libro, as xacias de Marce.

Farase tamén un roteiro duns 4,5 kms de dificultade sinxela dende Marce ata o castro de Marce. Onde coñecerán a lenda das xacias, outras lendas da contorna, a historia do castro de Marce e decubrirán os segredos da Torre de Marce do Castellum Minei e moitas sorpresas que a ribeira sempre agocha.

Cóntase con 30 prazas, previa inscrición no correo segredosdepanton@gmail.com