O Concello de Bóveda celebra o día 14 de xullo unha nova edición de Outrora. Ao longo da mañá haberá exhibición de escultura con motoserra, desfile e actuación do grupo de gaitas municipal de Bóveda; desde as 11:00 celebraranse obradoiros do Centro de Artesanía e Deseño e ás 12:00 actuarán Amigos da Pandeireta de Monforte.

Xa pola tarde, a partires das 16:00 haberá demostracións participativas nos stands de artesanía e ás 17:00 retomaranse os obradoiros do Centro de Artesanía e Deseño. Outrora conta con programación específica para o público infantil: ás 18:00 comezará a Festa da Espuma e ás 19:00 haberá xogos tradicionais interxeneracionais.

Xoán Curiel ofrecerá un concerto na capela ás 20:00 e ás 21:00 h. pecharán os stands da exposición. A programación completarase co tradicional e popular “Isco no guizo” ás 22:00 h. e ás 23:00 de Dj Vizcaíno.